كفتة التن التونسية

كي تقول كفتة.. تقول ماكلة مصرية وإلاّ تركية... أمّا في تونس الكفتة عندها أصولها الزمنية... معروفة في الجهات بالخصوص عند القوابسية.. وصفتها ساهلة ومن غير مصروف كبير يخليك تخمم وتحير

👩‍👧‍👦 أشخاص: 6

⏲️ زمن الإعداد: 30 دقيقة

🥧 الطهي: 30 دقيقة

⌛ الاستراحة: 05 دقيقة

🛒 المقادير:

2 بطاطا مصموطين

200 غرام شابلور

100 غرام فارينة

1 علبة تنّ

1 صحفة معدنوس مقصوص

200 غرام جبن مرحي

1 فلفل أكحل

1 رشة ملح

🧾 طريقة التحضير:

1 - ارفس البطاطا لين تولي كي العجين
2 - حطّ فوقها: ملح + فلفل أكحل + جبن مرحي + معدنوس + تن
3 - خلط المكونات مليح وحطهم في الفريجيدار مدّة 30 دقيقة
4 - خرج الصحفة وحطّ الخليط في طبق وبعد ما تستويه غطيه وخليه يرتاح
5 - بالقالب إلّي عندك فصّل الخليط دور متساوية
6 - غطّس بالطرف في الفارينة من بعد في العظم من بعد في الشابلور
7 - أقلي كعبات الكفتة في الزّيت

👨‍🍳 نصيحة الشاف :

كعبات الكفتة يحبوها كبار وصغار، وتنجم تقدم معاها صلصة طماطم وشوية فريت وصحة وبالشفاء