كسكســي قمح بالخضــرة

التوانسة زعام في التصنيف.. أما عالكسكسي يعملو كيف... وكيف اليوم صحيفة كسكي قمح بالخضرة

👩‍👧‍👦 أشخاص: 

⏲️ زمن الإعداد: 

🥧 الطهي: 

⌛ الاستراحة: 

🛒 المقادير:

2 قرون فلفل أخضر

200 غرام قرع أحمر

2 كعبات بطاطا

1 رطل كسكسي قمح

2 مغارف كبار طماطم معجونة

1 مغرفة كبيرة فلفل مرحي

3 مغارف كبار زيت زيتونة

1 مغرفة صغيرة ملح

1/2 مغرفة صغيرة فلفل أكحل

100 غرام حمص منفّخ

1 راس كرنب

3 روس بصل

2 روس لفت

3 كعبات سفنّارية

2 قرون فلفل أحمر

🧾 طريقة التحضير:

1 - قلّي في المقفول: زيت + راس بصل مقصوص جويّد
2 - زيد للمقفول: طماطم + فلفل مرحي + حمص وخليهم يتقليو مدة 5 دقائق
3 - زيد الماء للمقفول وحطّ فوقو الكسكاس
4 - بثبث الكسكسي بشوية ماء وحركو وحطّو في الكسكاس يتفوّر
5 - أرمي الخضرة إلّي عندك في المقفول: لفت + سفارية + بطاطا + بصل + كرنب وخليهم يطيبو
6 - عاود بثبث الكسكسي وعاودلو التفويرة الثانية لمدة ربع ساعة
7 - أرمي القرع في المقفول كي الخضرة تولّي نص طياب
8 - زيد للمقفول الفلفل الأحمر + الفلفل الأخضر + الفلفل أكحل وخليهم يطيبو درج
9 - سقّي الكسكسي وخليه يرتاح شوية لين يشرب المرقة متاعو
10 - عبّي الكسكسي في صحفة كبيرة وزينو بالخضرة والحمص وصحّة وبالشفاء

👨‍🍳 نصيحة الشاف :

باش تربح وقتك وتبقى السفنّارية فرشكة، قشّرها وعبيها في ساشي وحطها في الكونجيلاتور، من غير ما تغسلها