بوليس مكتّف

المرا الحرة عمرها ما تقول كتفتني الكوجينة في رمضان، وتبقى ديما تفركس في دبارة من أيامات زمان، تزيّن بيها سفرتها وتغرّم بيها عائلتها، وفي دبارة اليوم تحضّر وتصنّف وعاملة كيف على بوليس مكتّف

👩‍👧‍👦 أشخاص: 4

⏲️ زمن الإعداد: 20 دقيقة

🥧 الطهي: 45 دقيقة

⌛ الاستراحة: 

🛒 المقادير:

100 غرام جبن مرحي

3 مغارف كبار زيت

1 مغرفة كبيرة عصير قارص

1 كعبة عظم

2 كعبات عظم مسموطين

50 غرام زيتون

2 طروف لحم

1/2 مغرفة صغيرة كركم

1/2 مغرفة صغيرة ملح

1/2 مغرفة صغيرة فلفل أكحل

2 مغارف كبار معدنوس مقصوص

1 كعبة بطاطا كبيرة

1 راس بصل

50 غرام تن

1 رشة اكليل وزعتر

1/2 مغرفة صغيرة زنجبيل

🧾 طريقة التحضير:

1 - أضرب اللحم بالمطرقة اللوح
2 - غطّس اللحم في الفلفل الأكحل + الملح + القارص
3 - حطّ في صحفة: عظم مسموط + زيتون + جبن مرحي + تن + عظمة نيّة
4 - افرش اللحم وحطّ فوقو الحشو
5 - اثني اللحم وخيطو
6 - غطّس اللحم في : الملح + الفلفل الأكحل + مغرفة زيت
7 - خلّط في صحفة: ماء + كركم + 2 مغارف زيت + ملح + فلفل أكحل + زنجبيل
8 - حطّ اللحم في طبق فور وصب عليه الخليط متاع الماء
9 - حطّ طرونشات البطاطا و البصل ورش الطبق بالاكليل والزعتر
10 - غطّي الطبق بورق الألمنيوم وحطّو في الفور مدّة ساعة غير ربع
11 - نحّي ورق اللمنيوم وزيد شوية من السقا وخليه في الفور درج
12 - خرّج الطبق مالفور وقص اللحم طرونشات وصحة وبالشفاء

👨‍🍳 نصيحة الشاف :

تنجم تعوض اللحم بصدر الدجاج