مشروط بالعلوش

كيف تقول ''مشروط'' تقول فطور العيد الكبير في بني خيار إلي مايغيب على حتى دار، يطيب سلة سلة على طاجين فخار، محرحر بفلفل العولة من يدين للة لاحرار، تحضيرو ساهل موش صعيب و كيف اللحم يولي زبدة أعرف راهو ماعاد ما مازال، مشروطنا قريب يطيب..

👩‍👧‍👦 أشخاص: 6

⏲️ زمن الإعداد: 10 دقيقة

🥧 الطهي: 60 دقيقة

⌛ الاستراحة: 05 دقيقة

🛒 المقادير:

2 كيلوغرام لحم علوش

1 لتر ماء

1 ملح حسب الذوق

300 غرام فلفل أحمر

🧾 طريقة التحضير:

1 - تحط الماء يسخن في طاجين فخار وإلا طنجرة للي معندوش, تزيد عليه اللحم بعد متقسو
2 - تفوح اللحم بالفلفل الأحمر مليح مليح وألي محيبش الحار برشة ينجم يخلط بفلفل الزينة
3 - تزيد الملح
4 - خلي الخليط فوق نار هادية حتى اللحم يطيب مليح والمشروط يقر زيتو

👨‍🍳 نصيحة الشاف :

نصيحتي ليكم : متنساش عصيرة قارس في الصحن و رشة معدنوش وبصل مجودين مع خبز الطابونة وإلا خبز الشعير، بنة ما يتصاورها عقل .