دجاج مبطن في الكوشة

روحت مالخدمة وجايينك ضيوف خلاوك حايرة في دبارة.. آش رايك في صدر دجاج طايب في الكوشة يربحك الوقت ويخليك قدام الضيوف فرحانة.. ايا جرب وعارفتك باش تقول فكرتي مزيانة

👩‍👧‍👦 أشخاص: 

⏲️ زمن الإعداد: 

🥧 الطهي: 

⌛ الاستراحة: 

🛒 المقادير:

1 صحفة فارينة

4 كعبات عظم

1 رشة فلفل أكحل

1 صحفة شابلور

1 رشة ملح

200 غرام موزاريلا

4 طروف صدر دجاج

1 صحفة صلصة طماطم

1 صحفة معدنوس مقصوص

🧾 طريقة التحضير:

1 - نظّف صدور الدجاج وحلهم بالسكينة
2 - أعمل فوقهم رشة موزاريلا
3 - سكر صدور الدجاج
4 - أعمل رشة ملح + رشة فلفل أكحل
5 - غطّس صدور الدجاج في الفارينة من بعد في العظم من بعد في الشابلور
6 - اقليهم في الزيت
7 - اعمل فرشة صلصلة طماطم في طبق الفور
8 - صفف فوقها صدور الدجاج
9 - زيد من فوق فرشة أخرى صلصلة طماطم
10 - غطيهم بالموزاريلا + أعمل رشة معدنوس مالفوق
11 - حطّ الطبق في الفور لمدة 20 دقيقة وتحت درجة حرارة 180

👨‍🍳 نصيحة الشاف :

مع صدر الدجاج في الكوشة أعمل شوية فريت وسلاطة خسّ وصحة وبالشفاء