مصلي بالدّجاج

كي نقولو بطاطا، نقولو برشة أنواع أطباق وتصنيفات، ودبارتنا اليوم لاهي حارة ولاهي مقلية.. ماكلة زعرة زمنية. نحكي على المصلي إلّي ينجم يكون بالعلوش وإلّا بالحوت أما دبارتنا اليوم مصلي بالدجاج وهذي طريقة تحضيرو

👩‍👧‍👦 أشخاص: 

⏲️ زمن الإعداد: 15 دقيقة

🥧 الطهي: 45 دقيقة

⌛ الاستراحة: 10 دقيقة

🛒 المقادير:

1 قرن فلفل أخضر

1 راس بصل مقصوص

1 كأس زيت زيتونة

1 مغرفة صغيرة ملح

1 مغرفة صغيرة فلفل أكحل

1 مغرفة صغيرة كركم

1 مغرفة صغيرة ثوم مرحي

1 مغرفة صغيرة موتارد

2 كعبات بطاطا

1 كعبة طماطم

5 أفخاض دجاج

🧾 طريقة التحضير:

1 - خوذ بلاتو فور وحط فيه بصل مقصوص
2 - زيد فوقو الثوم المرحي
3 - صب شويّة مالزيت إلّي عندك
4 - رصّف أفخاض الدجاج في الطبق مفرقين
5 - من بعد كمل حط الطماطم والفلفل بعد ما قصيتهم بروج
6 - خلّط مع الزيت إلّي بقالك: موتارد + كركم + ملح + فلفل أكحل
7 - صب الخليط إلّي تحصلت عليه فوق الدجاج والخضرة إلّي حضرتها في طبق الفور
8 - زيدهم ماء سخون
9 - الطبق حاضر وما عليك كان تحطو في الفور لمدة 40 دقيقة وتحت درجة حرارة 180
10 - خرج الطبق مالفور، وحط المصلي في صحن
11 - للزينة: زيد فوق صحن المصلي رشة معدنوس مقصوص

👨‍🍳 نصيحة الشاف :

بخلاف إلّي الكركم باهي للكبدة، فإنّو يعاون في الريجيم وحرق الدهون، وكيف تعمل ماسك كركم مخلّط بشوية جيلاتين، تؤكّد إلّي وجهك يولّي صافي كيف المراية