دجاجة محشيّة

العين تاكل قبل الفم... وعائلتك على زينة الطاولة تتلم... والمرة هذي اللمة فيها دجاجة محشيّة... محمّرة ريحتها تهز العقل، تستنى في العائلة وقتاش تهل

🛒 المقادير:

1 دجاجة صحيحة ومنحي منها العظم

1 ملح

1/2 فلفل أكحل

1 - كمون

1/4 - تابل

1 فلفل أحمر حار

1 ملعقة قهوة كركم

7 ملعقة طعام زيت زيتونة

1 ملعقة طعام طماطم مقصوصة طرنشات

1 قرن فلفل مقصوص طرنشات

1 حبة بصل مقصوص طرنشات

1 حبة بصل مقصوص جويد

1/2 حبة قارص معصورة

2.5 كوبات روز

1 قرن فلفل مقصوص جويد

1/4 ملعقة قهوة قرفة

10 أعواد قرنفل

3/4 كوب ماء

2 حبة ثوم مهرسين

🧾 طريقة التحضير:

1 - فوّح الدجاجة بالكركم + فلفل أكحل + رشة ملح + عصير القارص + زيت وخلّيها على جنب
2 - قلّي في طنجرة: زيت + بصل جويّد + ثوم + فلفل جويّد لمدة 5 دقائق
3 - زيد في الطنجرة نص كوب روز + التوابل وقلب المكونات مليح
4 - زيد الماء في الطنجرة وخلي الروز يطيب نص طياب وخلّي الطنجرة تبرد
5 - عبّي الدجاجة بالحشو وحطها في طبق الفور
6 - حطّ في الداير متاع الدجاجة الخضرة المقصوصة طرنشات: بصل + طماطم + فلفل
7 - غطّي الطبق بورق الألمنيوم وخليه في الفور مدّة ساعة
8 - نحيّ ورق الألمنيوم وعاود دخل الطبق للفور لين تحمار الدجاجة
9 - غلّي في طنجرة: قرفة + طابع مرقة دجاج + ماء + رشة ملح + رشة فلفل أكحل
10 - قلّي زيت + شوية بصل مقصوص
11 - أرمي الروز في الماء ومن بعد صفيه
12 - حط مع الروز عود قرنفل + بصل مقلي في الزيت
13 - خلي الروز يتفور على الماء إلّي صفيتو مدة 10 دقائق لين يطيب

👨‍🍳 نصيحة الشاف :

ادهن طبق الفور بزيت المكونات إلّي فوحت بيهم الدجاجة باش ما يتحرقش وصحة وبالشفاء