صحن مقلي مزروب

كيف نروّح تاعبة ومالخدمة مهدودة.. نخمم في صحين مقلي عليه نعمل الكيف.. أنا مزروبة وهو في تحضيرو خفيف

👩‍👧‍👦 أشخاص: 3

⏲️ زمن الإعداد: 10 دقيقة

🥧 الطهي: 15 دقيقة

⌛ الاستراحة: 

🛒 المقادير:

1 رشة ملح

2 قرع أخضر مقصوصة طرونشات

2 فلفل حار

4 عظم

2 ثوم مهرسين

4 طماطم مقصوصين طرونشات

2 بطاطا مقشرين ومقصوصين

1 رشة فلفل أكحل

1 ملعقة قهوة كروية

2 ملعقة طعام فارينة

زيت

1 ملعقة قهوة هريسة تونسية

🧾 طريقة التحضير:

1 - حطّ في كسارولة: طماطم + شوية زيت + ملح + كروية+ ثوم وخليها تطيب على نار هادئة
2 - ملّح البطاطا وأقليها
3 - فقّص العظم في المقلى + رشة ملح + رشة فلفل أكحل
4 - فوّح القرع بالملح + فلفل أكحل + تابل وكروية
5 - أركض كعبة عظم في صحفة
6 - غطّس طرونشات القرع في العظم ومن بعد في الفارينة وأرميهم في المقلى
7 - ملّح الفلفل وأقليه

👨‍🍳 نصيحة الشاف :

ما تقليش العظم بعد الفلفل باش ما يكونش طعمها حار وصحة وبالشفاء