كسكسي بالقرنيط

هي ماكلة تونسيَة حرَة وبرشة نسا يطيبوها أكثر من مرَة ، ساهلة وزمنيَة لا فيها عجينة ولا تشعبيط إيجاو نقلكم كيفاش تطيبو الكسكسي بالقرنيط :

👩‍👧‍👦 أشخاص: 4

⏲️ زمن الإعداد: 15 دقيقة

🥧 الطهي: 23 دقيقة

⌛ الاستراحة: 10 دقيقة

🛒 المقادير:

6 صوابع قرنيط

600 غرام الكسكسي

2 مغارف كبار طماطم معجونة

1 فنجان زيت

100 غرام حمص

3 كعبات بصل

6 كعبات سفنارية

3 كعبات بطاطا

2 كعبات قرع أخضر

1 رشة ملح

500 غرام قرع أحمر

4 كعبات فلفل أخضر

1 رشة فلفل أكحل

🧾 طريقة التحضير:

1 - قليّ في الزيت: فلفل أحمر + بصل مقصوص + طماطم معجونة + فلفل أكحل + شوية ملح
2 - قص القرنيط مورسوات كبار وأرميه في المرقة وزيد فوقو الماء
3 - كيف تغلي المرقة زيدها الخضرة إلّي عندك
4 - حط الكسكاس فوق المقفول وكيف يفور حط فيه الكسكسي وخليه مدة 20 دقيقة
5 - سقي الكسكسي بالمرقة وخليه يشرب شوية
6 - حط الخضرة إلّي طابت وصوابع القرنيط فوق الكسكسي وصحة وبالشفاء

👨‍🍳 نصيحة الشاف :

ما تحطش القرنيط والخضرة مع بعضهم وقت التطييب، ابدى بالقرنيط ورد بالك المقفول يشيح، وكيف تحس القرنيط نص طياب وقتها زيد الخضرة للمقفول